බොන්නට එපා කිසිවිට‍ - තිබහට වතුර වෙනුවට

පිපාසය සංසිඳුවා ගැනීමේ හෝ ආහාර රුචිය වැඩිකර ගැනීමේ අරමුණෙන් බොහොමයක්‌ දෙනා කාබනීකෘත පැන් පානය කිරීමට පෙළඹේ. ඒවායේ ඇති රසවත් බවත් පානය කිරීමෙන් ලැබෙන ප්‍රබෝධමත් බවත් නිසා ඕනෑමකෙනෙක් කාබනීකෘත පැන් පානය කිරීමට දැඩි කැමැත්තක් දැක්වීම අරුමයක් නොවේ. නමුත් කණගාටුවට කාරණය මිනිසා විසින් මෙවැනි කෘතීම පැන්වර්ග පානය කිරීම පුරුද්දක් කරගැනීමයි. මක්නිසාදයත් හුදෙක් කාබනීකෘත පැන් සතුව කිසිදු පෝෂණීය වටිනාකමක් නැති නිසාම පමණක් නොව කාබනීකෘත පාන ශරීරයට අහිතකර වියහැකි බැවිනි. ඒවා නිතිපතා පානය කිරීම  භයානක ප්‍රතිඵල ඇති කළහැකි බැවිනි. කාබනීකෘත පාන භාවිතය මිනිසාට අහිතකර වන්නේ කෙසේද, නිතිපතා පානය කිරීමෙන් ඇතිවන භයානක ප්‍රතිඵල කවරේද,එහි ප්‍රධාන අන්තර්ගත හෙවත් අඩංගු ප්‍රධාන සංඝටක ඇසුරෙන්ම එය පැහැදිලි කරගතයුතුය. සුක්‍රෝස් හෙවත් පිරිපහදු කරනලද සීනි (ග්ලූකෝස් - 45% + ෆෘක්ටෝස් - 55%) රසකාරකයක් මෙන්ම ශක්තිජනකයක් ලෙස යොදාගනී. වතුර හැරුණුකොට වැඩිපුරම අන්තර්ගත සංඝටකය සුක්‍රෝස්ය. මිලිලීටර පන්සියයක ඇසුරුමක සීනි ග්‍රෑම් තිස්නවයක් (තේහැඳි දහයක් ) පමණද කැලරි එකසිය හතළිහක් පමණද අන්තර්ගතය. දිනපතා නිතිපතා පානය කිරීම ශරීරයේ බර වැඩිවීමට ප්‍රධාන වශයෙන් බලපාන අතර අධික සීනි පරිභෝජනය නිසා ඇතිවන ඕනෑම රෝගාබාධයක් ඇතිවීමට හේතුකාරකවේ. මෙහි ඉදිරියෙන් දැක්වෙන පිටුවට පිවිසීමෙන් සීනි භාවිතයේ ප්‍රධානතම අහිතකර ප්‍රතිඵල දහයක් ගැන මනා වැටහීමක් ලබාගැනීමට හැකියාව ඔබට ලැබෙනු ඇත.       කාබන්ඩයොක්සයිඩ් (කාබොනික් අම්ලය) බොහෝ කාබනීකෘත පාන සාදන්නේ අධික පීඩනයක් යටතේ ‘කාබන්ඩයොක්සයිඩ්’ ජලීය මාධ්‍යයතුළ දියකිරීම මඟිනි. ඇතිවෙන අලුත් සංයෝගය කාබොනික් අම්ලය ලෙස හඳුන්වයි‍. ( CO2 + H2O ⇋ H2CO3 ). පානය කිරීමේදී දැවෙනසුළු සැර ගතියක් දැනෙන්නේ එම පානවල අන්තර්ගත මෙම කාබොනික් අම්ලය නිසාවෙනි. ඇතැම් පාන කාබනීකරණය කරන්නේ සුදුසු යීස්ට් වර්ගයක් භාවිතකර ද්‍රාවණය සංවෘත ඇසුරුම තුළම අර්ධ පැසවුමට ලක්කිරීමෙනි. බොහෝවිට ඉඟුරුමය පාන සැකසීමට මෙම ක්‍රමය යොදාගනී. කෙසේනමුත් කාබනීකෘත පාන ගැනීමෙන් පසු රුධිරයේ කාබන්ඩයොක්සයිඩ් ප්‍රතිශතය ඉහළ නැංවීම නිසා සෛල වල ආහාර බිඳහෙළිමේ ක්‍රියාවලිය එනම් පරිවෘත්තීය ක්‍රියාව අඩපණ කරයි. ප්‍රමාණවත් තරම් ඔක්සිජන් නොමැතිකමින් ශරීරය විඩාවට පත්වේ. පොස්ෆෝරික් අම්ලය රසකාරකයක් මෙන්ම ආහාර සුරක්ෂකයක් ලෙස යොදාගැනේ. ආම්ලිකතාවය විනාකිරිවලට ආසන්න වශයෙන් සමානකමක් දක්වන අතර විවිධ පානයන්ට එක්කිරීමේදී pH අගය 2.0 - 3.4 දක්වා වෙනස්වේ.පොස්ෆෝරික් අම්ලය දත් හා අස්ථි දිරායාමට හේතුකාරක වේ. එමඟින් ආරක්ෂාකාරී දන්ත එනැමලය පලුදු කරයි. එනැමලයේ ඛනිජ අන්තර්ගතය අම්ලය හමුවේ දියවේ. එනැමලයට හානිවීම නිසා නිරාවරණය වන දත් පහසුවෙන් දිරායාමේ අවධානමට ලක්වේ. රුධිරයෙහි සංසරණයවන අධි සාන්ද්‍රිත පොස්ෆරස්, අස්ථිවල ඇති කැල්සියම් උරාගැනීමට පෙළඹෙයි. මේ හේතුවෙන් අස්ථි දුර්වලවන අතර කාලයත් සමඟ ඔස්ටියෝපොරෝසිස් රෝගී තත්ත්වය ඇතිවීමේ අවදානමක් තිබේ. තවද දිරාගිය අස්ථිවලින් නික්මුණු කැල්සියම් සංයෝග වකුගඩු හා කුඩා අතුනුබහන් වල තැන්පත්වීමෙන් හා එකතුවීමෙන් වකුගඩු අබාධ ඇතිවේ. විශේෂයෙන්ම වෘක්ක ගල් ඇතිවිය හැක. මියයාමෙන් පසු මිනිස් සිරුරක අනෙකුත් සියළුම කොටස් ඉක්මනින් දිරාගිදයද දත් හා අස්ථි වසර ගණනාවක් නොදිරා පවතිනසුළුය. එහෙත් කාබනීකෘත පාන භාවිතය මිනිසෙකු ජීවත්ව සිටියෙදීම එම පුද්ගලයාගේ දත් සහ අස්ථි දිරාපත්වීමට මඟපාදයි. රුධිරයේ පොස්ෆොරස් මට්ට්ම පාලනය කරන්නේ වකුගඩු මඟිනි. කෙසේදයත් පරිභෝජනය කරනලද වැඩිපුර පොස්ෆොරස් කොටස රුධිරයෙන් ඉවත්කර සුළුදිය සමඟ අපද්‍රව්‍ය ලෙස බැහැර කිරීමෙනි. නමුත් වකුගඩු රෝගීන්ට මෙම හැකියාව තරමක් අඩු බැවින් කාබනීකෘත පාන භාවිතය ඔවුනට කිසිසේත්ම නුසුදුසුය. පොස්ෆෝරික් අම්ලය අමාශයේ අම්ල ඝනත්වය වැඩිකරන හෙයින් අම්ලපිත්තය හෙවත් අමාශයේ දැවිල්ල හටගනී. කැෆේන් ශරීරය ප්‍රබෝධමත් කරන උත්තේජකයකි. භාවිතයෙන් විඩාව, අලසබව හා නිදිමතගතිය පහවයයි. නමුත් භාවිතය පහසුවෙන් පුරුද්දට යයි. කාබනීකෘත පාන නිශ්පාදනයේදී, පානය කරන්නන්ගේ උද්යෝගීමත් බව වැඩි කරන උත්තේජකයක් සහ ඇබ්බැහිකාරකයක් හෙවත් ආසක්තකයක් ලෙස යොදාගනී. කැෆේන් මඟින් ඇඩෙනොසින් ප්‍රතිග්‍රාහක අවහිර කරන බැවින් නිදිමත ඇතිනොවේ. ඇඩෙනොසින් යනු මොළයේ අධි උත්තේජන ඇතිවීම වළක්වන ස්නායුසම්ප්‍රේෂක රසායනික ද්‍රව්‍යයයකි. අවහිරවුණු ප්‍රතිග්‍රාහක ඇඩෙනොසින් වලට ප්‍රතිචාර නොදක්වන නිසා ස්නායු සෛල අධි උත්තේජයනයවීම වැළක්වීමක් සිදුනොවේ. නිදිමත ඇතිවීමට නම් මොළය අධි උත්තේජයනයට ලක්වීම වැළක්වීම සිදුවිය යුතුය. හරිහැටි නින්දක් නොලැබීමෙන් අවිවේකී වන සිරුර පහසුවෙන්ම විඩාවට පත්වේ. කැෆේන් භාවිතයෙන් ඇඩ්රිනලින් හෝමෝනය වහා ක්‍රියාකාරීත්වයට පැමිණෙයි. එවිට හදගැස්ම වේගවත් වන අතර රුධිර නාල අවහිරවී රුධිර පීඩනය ඉහළයාම සිදුවේ. තවද ශරීර ශක්තිය වැඩිකිරීමට අක්මාව මගින් වැඩිවැඩියෙන් රුධිර ධාරාවට සීනි මුදාහැරීම සිදුකරයි. එවිට රුධිරයේ සීනි මට්ට්ම ක්ෂණිකව ඉහළ නැඟීම සිදුවේ. කැෆේන් නිසා අධි මේහනය ඇතිවේ. කාබනීකෘත පැන් වර්ගයක් පානය කිරීමෙන් පසු දැඩි පිපාසයක් දැනෙන්නේ මේ හේතුවෙනි. මේ නිසා කාබනීකෘත පානයක් ගැනීමෙන් පසු ප්‍රමාණවත් තරම් ජලය පානය නොකළහොත් ශරීරය විජලනයට ලක්වේ. එමෙන්ම විජලනය ඇතිවුවහොත් මලබද්ධය වුව ඇතිවිය හැක. කැෆේන් නිසා ඇතැමෙකුට හිසේකැක්කුම ඇතිවේ. තවද ඉරුවාරදය හටගැනීමට හේතුවේ. E211 හෙවත් සෝඩියම් බෙන්සොයේට් කෘතීම ආහාර සුරක්ෂකයකි. අධික ලෙස භාවිතය සෛල මයිටඛොන්ඩ්‍රියාවල DNA වල ඉතා වැදගත් ජෛව කොටස් අකර්මන්‍ය කරයි. බෙන්සීන් මෙය සංඝටකයක් ලෙස ද්‍රාවණයට  අන්තර්ගත කරන්නක් නොවේ. ආහාර සුරක්ෂකයක් ලෙස යොදාගන්නා සෝඩියම් බෙන්සොයේට්, ද්‍රාවණයේ අඩංගු පොස්ෆෝරික් අම්ලය සමඟ ප්‍රතික්‍රියා කිරීමෙන් බෙන්සීන් හටගනී. මෙය පිළිකාකාරකයක් ලෙස හඳුනාගෙන තිබේ. මෙමඟින් ඇටමිඳුළු ක්‍රියාකාරීත්වය අඩපණ කරයි. රුධිර සෛල හටගන්නේ ඇටමිඳුළු වල නිසා රුධිර සෛල නිෂ්පාදනය පහත හෙලීම සිදුවේ. කෘතීම රසකාරක හා කැරමල් වර්ණක සීනි රහිත සෝඩා පැණිරස කිරීම සඳහා යොදා ගන්නා ඇස්පටේම්, ඇසිසල්ෆේම් පොටෑසියම්, ෆිනිලලනීන් වැනි කෘතීම රසකාරක මෙන්ම කෘතීම කැරමල් වර්ණක පිළිකාකාරකයන් වීමට ඉඩකඩ තිබේ. ටින් ආරක්ෂක අන්තර්ගත ද්‍රාවණයෙන් ඇසුරුමේ ඇතුළත බිත්තියට හානි නොවීම සඳහා ආරක්ෂකයක් ලෙස ආලේපිත රසායනික සංයෝගයේ අඩංගු ‘බිස්ෆිනෝල් ඒ’ ශරීරයේ ස්වභාවික හෝමෝන ක්‍රියාකාරීත්වයට දරුණු ලෙස බලපෑම් ඇතිකරන බැව් හෙළිවී තිබේ. තවද මෙය පිළිකාකාරකයක් ලෙස හඳුනාගෙන ඇතිඅතර කාන්තා පිරිමි දෙපාර්ශ්වයේම නිසරුභාවයටද හේතුකාරක වියහැකිය. පිනවමින් රස            නහර ලෙඩ කරන ඔබෙ     සිරුර කෘතීම පැන් හැම      අතැර බොන්න පිරිසිදු         වතුර

                                                                                                                                                 

පරිශීලක පිටු

Soft drinks
Drinking Soda or Sugary Beverages Increases Heart Attack Risk
Soft Drinks The Effects of Coke and Pepsi
Bad Effects of Coke & Soft Drinks
What Happens To Your Body Within An Hour Of Drinking A Coke