සොබාදහම විසින් නිර්මිත විසිතුරුම සත්ත්වයා සමනලයා ලෙස සැළකිය හැකිය. සමනලයාගේ ජීවන චක්‍රය, පැහැදිලිව හඳුනාගත හැකි මූලික අවධි හතරකින් යුතුය. ඒවානම් සමනල බිත්තර, දළඹු අවස්ථාව, පිලව් අවස්ථාව සහ සමනල අවධියයි. මේ බැව් කොතෙකුත් අසා ඇතත් රූපසටහන් වලින් දැක ඇතත් සමනල අවධිය හැර අනෙක් අවධි සැබෑවටම දැකගන්න ලැබෙන අවස්ථා ඉතා විරලයි. කෙසේනමුත් මෙම අවධියෙන් අවධියට පිවිසීමේ සිත්ගන්නාසුළු සිදුවීම් පෙළ යම්තාක්දුරට හෝ සජීවීව දැකගන්න ලැබුණු වටිනා අවස්ථාවක් තමයි අද ඔබත් එක්ක බෙදාහදාගන්න හදන්නේ.
මෙහි දැක්වෙන වීඩියෝ දසුනෙන් දිගහැරෙන්නේ සමනල් ලෝකයේ රාජ්‍යත්වයෙන් සැළකෙන ලොව අලංකාරම සමනලුන් අයත්වන ‘මනාක්’ කුලයේ සමනලුන්ගේ දිවි සක වග වන අතර අනෙකුත් සියළුම කුලයනට අයත් සමනලුන්ගේද දිවි සක මේ හා සමාන බැව් සැළකේ.
මේ වීඩියෝ දසුන වඩාත්ම වැදගත් වෙන්නේ අධ්‍යාපනය ලබන වයසේ දුවාදරුවන්ට. ඒ නිසා ඒ අයට පෙන්වන්න අමතක කරන්න එපා.
No comments:
Post a Comment