Sunday, May 20, 2012

පුංචි පැංචො දෙන්නගේ - සුරතල් බලමුද අගේ

පුංචි පැංචො දෙන්නගේ - සුරතල් බලමුද අගේපුංචි වුණත් පැංචො දෙන්නා පාන දස්කම් නම් අපමණයි. හුරතල් හඬින් ගීතය ගායනා කරන අතරතුර රංගනයේ යෙදෙන අපූරුව ඉතාමත් සිත්ගන්නාසුළුයි. පුංචි මුහුණුවල හැඟීම් ගීතයේ අර්ථයත් එක්ක වෙනස්වෙන විලාසය බලාගෙන ඉන්නත් ආසයි. පුංචි හඬින් මොකක් ගැනද මේ කියන්නේ කියලා අපට නොතේරුණත් ගායන විලාසයත්, රංගනයත් දිහා බලපුවාම නම් පෙනෙන්නේ ගීතයෙන් කියැවෙන්නේ ආදරවන්තයින් දෙදෙනෙකුගේ සුපෙම්බර වාදයක් හෝ දෙබසක් වගෙයි. පැංචො දෙන්නාම බොහොම හොඳ සහයෝගයෙන් නර්තනයේ යෙදෙනබව නම් පැහැදිලියි.

ගීතයට දායකවන පුංචි පුතා ගැන නම් තොරතුරු සොයාගන්න ලැබුණේ නැහැ. එහෙත් මේ ගීතය ගායනා කරන ආකාරය ඇහෙද්දී නම් ඔහු චීනයේ ජනප්‍රියත්වයට පත්වන්නට ඇතිබැව් සහතිකයි. මන්ද ඔහු සතු හුරතල් හඬින්ම වටහාගන්න පුළුවනි මෙතරම් අපූරුවට ඔහු තම කටහඬ හසුරවන්නේ කෙතරම් කුඩා අවධියකදීද යනවග. එහෙනම් වයස මුහුකුරායද්දී සහතිකවම ඔහු තවතවත් දස්කම් පෙන්නුම්කරන්නට ඇති.

කොංයිංපුංචි දියණිය නම් මෙවකට චීනයේ සුප්‍රසිද්ධ ඔපෙරා ගායිකාවක්. ඇය නමින් ‘කොංයිං’. වයස අවුරුදු තුනේදී ප්‍රසංග වේදිකාවේ ගීත ගායනයට පිවිසි කොංයිං මේවනවිට වසර නවයක ගායන දිවියකට හිමිකම් කියන්නීයක්. ඇය පිළිබඳ බොහෝ විචාරකයන් පවසන්නේ නම් තවත් වසර කිහිපයක් ගතවූ පසු තවදුරටත් වැඩිදියුණු කරගැනීමට තවත් යමක් ඉතිරිව නැති තරමටම දැනටමත් දස්කම් දක්වන්නියක් වන බවයි.

ගීතය ගැන යමක් කියනවානම් දෙදෙනෙකු අතර ඇතිවන දෙබසක් ආකාරයෙන් රචනාවී ඇති නිසා නැවුම් හා ප්‍රබෝධමත්බවක් ගීතය සතුයි. ඒවාගේම ගීතය සඳහා නිර්මාණය වී ඇති තනුව මද වේගරිද්ම ස්වරූපයක් ගන්නා නිසා ප්‍රීතිමත් හැඟීම් දනවනසුළුයි. සොයාගත් තොරතුරුවලට අනුව නම් දර කපන්නෙකු හා ඔහුගේ සුපෙම්වතිය අතර ඇතිවෙන පෙම්වත් දෙබසක් තමයි ගීතයෙන් එළිදැක්වෙන්නේ.

මෙහි සැබෑ ගීතය චීනයේ කෙතරම් ජනප්‍රියදැයි කියනවානම් බොහෝදෙනෙක් මේ ගීතය ගායනා කරන්නටත්, රඟදක්වන්නටත් පෙළඹෙන අවස්ථා බොහොමයි.

මේ තියෙන්නේත්   දර කපන්නා සහ පෙම්වතිය  එවැනි එක් අවස්ථාවක්.

No comments:

Post a Comment