Friday, September 28, 2012

පුංචි බලු පැංචී - කකුළු ගමනට ඇයි තහංචී

මැඩලින් බලු පැටවිය සහ කකුළුවා

ඇමෙරිකා එක්සත් ජනපදයට අයත් උතුරු කැරොලිනා ප්‍රාන්තයේ පිහිටි 'පාව්ලෙස්' නමැති අති සුන්දර කුඩා දූපත් වෙරළ තීරයේදී කැමරාවට නැගුණු දර්ශනයක් තමයි මේ. ඩක්ස්-හුඩ් නමැති බලු වර්ගයට අයත් මේ සුරතල් බලු පැටවියගෙ නම තමයි මැඩලින්. කකුළුවාට නමක් නැතත් එම කකුළුවා අවතාර කකුළුවා නැමැති කකුළු විශේෂයට අයත් එකෙක්. ඔවුනට එම නම් ලැබී තිබෙන්නේ දහවල් නිදාගැනීම හා රාත්‍රියට ක්‍රියාකාරීවීම යන චර්යා රටාව සහ විශේෂයෙන්ම එම සතුන්ට හිමි පඬු පැහැය හේතුවෙන්.

බලු සුරතලුන්ට ආසකරන කරන අයට නම් මේ තියෙන වීඩියෝ දසුන සෑහෙන්න විනෝදාස්වාදයක් ගෙනදේවි. අනෙක් අයටත් යම් ආශ්වාදයක් නොලැබෙනම එකක් නැහැ. ඒ මොකද එම දර්ශන පෙළෙහි ඇති විනෝදාත්මක බවත්, එහි කැමරාකරණයේ තිබෙන සුවිශේෂී බවත් නිසා. නරඹලාම බලන්න එහෙනම්.

මැඩලින් බලු පැටවිය සහ කකුළුවා

සෙල්ලමට හරි කකුළුවට යන ගමන යන්න නොදී පාර අවහිර කරන එකනම් ඒ තරම් හොඳ දෙයක් නොවෙයි තමයි. ඒත් බලු පැටවිය කකුළුවාට හානියක් වෙන දෙයක් කරන්නේ නැති නිසායි මේ වීඩියෝ දසුන ඔබ හා බෙදා ගන්න හිතුවේ.

No comments:

Post a Comment