වීඩියෝ දෙකම එකවර ක්‍රියාත්මකකර බලන්න.
නඕගේ නර්තනය සියයට සියයක් ජූඩ්සන්ගේ නර්තනයට සමාන නොවුණද කෙතරම් සිත්ගන්නාසුළුද බලන්න.
නඕ රොබෝවරු ගැනත් එම රොබෝවරු නිෂ්පාදනය කරන ඇල්ඩිබරන් රොබෝ නිෂ්පාදන ආයතනය ගැනත් වෙනත් දවසක විස්තර ගෙන එනතුරු…
රොබෝවරුන්ගේ තවත් නර්තන කිහිපයක් පහළින්…
 |  |  |  |
මේ වැයෙන්නේ නෝර්වීජියානු ජාතික එඩ්වඩ් ග්‍රීග් නැමැති සුප්‍රකට සංගීතවේදියා විසින් රචිත අද්විතීය නිර්මාණයක් ලෙස එදාමෙදාතුර මහත් ජනාදරයටපත් ‘පියර් ගින්ට්’ නැමැති සංගීත සංධ්වනියට අයත් සුමියුරුතම ‘මෝනිං මූඩ්’ වාද්‍ය ඛණ්ඩයයි. මැදිරියට ගොඩවුණු මගීන් පුදුමයටත් රසවින්දනයටත් පත්කරමින් මෙය ඉදිරිපත් කරනලද්දේ කෝපන්හේගන් ෆිල්හාමොනික් වාදක වෘන්දය විසින් වන අතර වීඩියෝවේ අන්තර්ගත සියළුම නාද ඉදිරිපත් කරනලද්දේ හා පටිගත කරනලද්දේ දුම්රිය මැදිරිය තුළදීමයි.
බලන්න, මෙම මහඟු අත්දැකීම සජීවීව විඳගන්න වාසනාව ලද අය එයින් මොනතරම් ප්‍රීති ප්‍රමෝදයට හා රසාස්වාදයට පත්වුණාද යනවග ඒ අයගේ මුහුණුවලින් කියැවෙන අපූරුව.
අද ඔබ වෙත ගෙන එන්නේ ගියවර ලිපියෙන් ඔබට ඉදිරිපත් කරනලද ‘සිත්ගන්නාසුළු පස් සුළු ගැටළු’ වලට විසඳුම් වන බැවින් එම ලිපිය කියැවීම ඔබට මඟහැරුණි නම් පළමුව එම ලිපිය කියවා මෙම ගැටළු පහ විසඳීමට උත්සහ කිරීම වටී.
1 . තිත් නවයේ ගැටළුව
නීති රීති :- සෘජු සරල රේඛා හතරක් පමණක් යොදාගෙන සියළුම තිත් හරහා ගමන්කළ යුතුය. එක රේඛාවක් අවසන්කළ ස්ථානයෙන් ඊළඟ රේඛාව ආරම්භ කල යුතුය. (ඉඟිය :- ඔබ අඳින කිසිදු රේඛාවක් ආරම්භවන හෝ අවසන්වන ස්ථානය තිත් නවයෙන් එකක් වීම අනිවාර්යය නොවේ.)
නිවැරදි විසඳුම
2 . පාද ඡේදන ගැටළුව
රූපයේ ඇති සියළුම පාද එක වරක් පමණක් ඡේදනය වන පරිදි තනි නැමි රේඛාවක් එකවර ඇඳිය හැකිද ?
පිළිතුර :- නොහැක
එයට හේතුව මෙසේ පැහැදිලි කළ හැක. නැමි රේඛාව කොටුවෙන් කොටුවට පිවිසීමේදී එක් කොටුවක සිට තවත් කොටුවකට පිවිසීමට නම් කොටුවකට ඇතුළුවන සෑම අවස්ථාවකම ඉන් පිටවිය යුතුය. එවිට එම කොටුවේ පාද දෙක බැගින් ඡේදනයට ලක්වේ. එමනිසා කොටුවක සියළුම පාද ඡේදනය කිරීමට නම් පාද ඉරත්තේ සංඛ්‍යාවක් තිබිය යුතුය. නමුත් අවස්ථා දෙකකදී පමණක් පාද ඔත්තේ සංඛ්‍යාවක් තිබුණාට ගැටළුවක් ඇති නොවේ. ඒ නැමි රේඛාව ආරම්භ කරන කොටුව හෝ අවසන් කරන කොටුවයි. නමුත් මෙම ගැටළුවේ පාද ඔත්තේ සංඛ්‍යාවක් ඇති කොටු තුනකි. මෙය විසඳිය නොහැකි ගැටළුවක් බවට පත්ව ඇත්තේ එබැවිනි.
3. දිශා ගැටළුව
ඉදිරියට ඇදෙන බසය ගමන්කරන්නේ වමටද ? දකුණටද ?
උත්තරය
රූපයේ බසයේ දොරටු පෙනෙන්නට නැත. එබැවින් මාර්ගයේ වම්පසින් රථවාහන ධාවනයවන රටකදී නම් බසය ධාවනයවන්නේ ඉදිරියට නම් උත්තරය ‘දකුණට’ වියයුතුය. මාර්ගයේ දකුණුපසින් රථවාහන ධාවනයවන රටකදී නම් බසය ධාවනයවන්නේ ඉදිරියට නම් උත්තරය ‘වමට’ වියයුතුය.
4. අඹ ගැටළුව
ද්වාර තුනක් පසුකරමින් උයනකට පිවිසි මම උයන අඹ වලින් පිරී තිබෙනු දැක ඉන් ටිකක් අහුලා ගතිමි. ඉන්පසු උයනෙන් පිටව යාමට සිතා මා අන්තිමට පසුකළ ද්වාරය අසලට පැමිණ එහි දොරටුපාලකයාට මා විසින් අහුලාගත් අඹ වලින් හරි අඩක් දුන්නෙමි. ඔහු මට අඹ ගෙඩියකින් හරි අඩක් ආපිට ලබාදුනි. එම ද්වාරයෙන් පිටව ඉතිරි අඹ ටිකත් රැගෙන නැවත ගමන් ඇරඹි මම දෙවන ද්වාරය අසලදී එහි දොරටුපාලකයාටද ඒවනවිට මා සතුව පැවති අඹ වලින් හරි අඩක් දුන්නෙමි. ඔහුද මට අඹ ගෙඩියකින් හරි අඩක් ආපිට ලබාදුනි. එම ද්වාරයෙන්ද පිටව ඉතිරි අඹ ටිකත් රැගෙන නැවතත් ගමන් ඇරඹි මම තෙවන එනම් අවසාන ද්වාරය අසලට පැමිණ එහි දොරටුපාලකයාටද අවසානයට මා සතුව පැවති අඹ වලින් හරි අඩක් දුන්නෙමි. ඔහුද මට අඹ ගෙඩියකින් හරි අඩක් ආපිට ලබාදුනි. එයද රැගෙන එම ද්වාරය හරහා උයනෙන් පිටව යද්දී මා සතුවුයේ ප්‍රමාණයෙන් එක් අඹ ගෙඩියක් පමණක්ම නම් මා විසින් උයනෙන් අහුලාගන්නාලද අඹ සංඛ්‍යාව කොපමණද ?
ගණිතමය විසඳුම
තාර්කිකමය විසඳුම ( සිදුවීම් පෙළ ආපස්සට විමසීම )
උයනෙන් පිටවන විට ප්‍රමාණයෙන් එක් අඹ ගෙඩියක් පමණක් මා සතුවූයේ තෙවන ද්වාරයේ දොරටුපාලකයා මා වෙත ආපිට ලබාදුන් අඹ ගෙඩි භාගයත් සමඟිනි. එනම් ඔහු එම අඹ භාගය දීමට ප්‍රථම මා සතුව තිබී ඇත්තේ අඹ ගෙඩි භාගයක් පමණි. එසේනම් මා විසින් ඔහුට ලබාදී තිබෙන්නේද අඹ ගෙඩි භාගයකි. ඔහුට අඹ ගෙඩි භාගයක් ලබාදීමට නම් අඹ ගෙඩි එකක් මා සතුව තිබිය යුතුය. එනම් මා තෙවන ද්වාරය කරා පැමිණ ඇත්තේ අඹ ගෙඩි එකක් අතැතිවයි. මේ අනුව තෙවන ද්වාරයෙන් සේම දෙවන ද්වරයෙන්ද මා පිටව ඇත්තේ ප්‍රමාණයෙන් එක් අඹ ගෙඩියක් පමණක් අතැතිවයි. තවද සෑම ද්වාරයකදීම් සිදුවන්නේ තෙවන ද්වාරයේදී සිදුවන සිදුවීමට සමානවූවක් නිසා මා විසින් ඕනෑම ද්වාරයක් කරා පැමිණෙන්නේද ඉන් පිටවෙන්නේද ප්‍රමාණයෙන් එක් අඹ ගෙඩියක් අතැතිව බව පැහැදිළිවේ. එමනිසා මා පළමුවන ද්වාරය කරා පැමිණ ඇත්තේද ප්‍රමාණයෙන් එක් අඹ ගෙඩියක් අතැතිවයි. එසේනම් මා විසින් උයනෙන් අහුලාගන්නාලද අඹ ගෙඩි සංඛ්‍යාව එකකි.
5. කොටු පුරවන ගැටළුව
රූපයේ දැක්වෙන පරදි සෑම දිශාවකටම එකතුව 15 වනසේ කොටු නවය පුරවන්න. භාවිත කළයුත්තේ 1, 2, 3, 4, 5, 6, 7, 8, 9 යන ඉලක්කම් නවය පමණි. එක් ඉලක්කමක් භාවිත කළහැක්කේ එක් වතාවක් පමණි.
විසඳුම
ඉලක්කම් වශයෙන් සැළකීමෙන්
පළමුවෙන්ම 1, 2, 3, 4, 5, 6, 7, 8, 9 යන සංඛ්‍යා තුන බැගින් එකතුවීමෙන් 15 වියහැකි අවස්ථා සියල්ල ලියාගනිමු.
එක් එක් කොටුව පිහිටි ස්ථානය අනුව සැළකීමෙන්
a අකුර වෙනුවට යෙදෙන ඉලක්කම අවස්ථා තුනකදී තවත් ඉලක්කම් දෙකක් සමඟ එකතුවීමෙන් එකතුව ‘15’ ට සමාන වියයුතුය. එමෙන්ම c, g, හා i යන අකුරු වෙනුවට යෙදෙන ඉලක්කම්ද ඊට සමානවම හැසිරේ. එසේනම් එකේ සිට නවය දක්වාවූ ඉලක්කම් අතුරින් අවස්ථා තුනකදී එකතුව 15 වීමට දායකවන ඉලක්කම් මොනවාද ?
2, 4, 6, 8
මේ අනුව a, c, g, හා i යන අකුරු වෙනුවට යෙදිය හැකි ඉලක්කම් මේවා වේ.
එමෙන්ම b අකුර වෙනුවට යෙදෙන ඉලක්කම අවස්ථා දෙකකදී තවත් ඉලක්කම් දෙකක් සමඟ එකතුවීමෙන් එකතුව ‘15’ ට සමාන වියයුතුය. එමෙන්ම d, f හා h යන අකුරු වෙනුවට යෙදෙන ඉලක්කම්ද ඊට සමානවම හැසිරේ. එසේනම් එකේ සිට නවය දක්වාවූ ඉලක්කම් අතුරින් අවස්ථා දෙකෙකදී එකතුව 15 වීමට දායකවන ඉලක්කම් මොනවාද ?
1, 3, 7, 9
මේ අනුව b, d, f හා h යන අකුරු වෙනුවට යෙදිය හැකි ඉලක්කම් මේවා වේ.
තවද e අකුර වෙනුවට යෙදෙන ඉලක්කම අවස්ථා හතරකදී තවත් ඉලක්කම් දෙකක් සමඟ එකතුවීමෙන් එකතුව ‘15’ ට සමාන වියයුතුය. එසේනම් එකේ සිට නවය දක්වාවූ ඉලක්කම් අතුරින් අවස්ථා හතරෙකදී එකතුව 15 වීමට දායකවන ඉලක්කම් මොනවාද ?
5
මේ අනුව e අකුර වෙනුවට යෙදිය හැකි ඉලක්කම මෙය වේ.
එමනිසා මුලින්ම ‘e’ අකුර වෙනුවට ‘5' ඉලක්කම යොදමු.
1 . තිත් නවයේ ගැටළුව
නීති රීති :- සෘජු සරල රේඛා හතරක් පමණක් යොදාගෙන සියළුම තිත් හරහා ගමන්කළ යුතුය. එක රේඛාවක් අවසන්කළ ස්ථානයෙන් ඊළඟ රේඛාව ආරම්භ කල යුතුය. (ඉඟිය :- ඔබ අඳින කිසිදු රේඛාවක් ආරම්භවන හෝ අවසන්වන ස්ථානය තිත් නවයෙන් එකක් වීම අනිවාර්යය නොවේ.)
2 . පාද ඡේදන ගැටළුව
රූපයේ ඇති සියළුම පාද එක වරක් පමණක් ඡේදනය වන පරිදි තනි නැමි රේඛාවක් එකවර ඇඳිය හැකිද ?
3. දිශා ගැටළුව
ඉදිරියට ඇදෙන බසය ගමන්කරන්නේ වමටද ? දකුණටද ?
4. අඹ ගැටළුව
ද්වාර තුනක් පසුකරමින් උයනකට පිවිසි මම උයන අඹ වලින් පිරී තිබෙනු දැක ඉන් ටිකක් අහුලා ගතිමි. ඉන්පසු උයනෙන් පිටව යාමට සිතා මා අන්තිමට පසුකළ ද්වාරය අසලට පැමිණ එහි දොරටුපාලකයාට මා විසින් අහුලාගත් අඹ වලින් හරි අඩක් දුන්නෙමි. ඔහු මට අඹ ගෙඩියකින් හරි අඩක් ආපිට ලබාදුනි. එම ද්වාරයෙන් පිටව ඉතිරි අඹ ටිකත් රැගෙන නැවත ගමන් ඇරඹි මම දෙවන ද්වාරය අසලදී එහි දොරටුපාලකයාටද ඒවනවිට මා සතුව පැවති අඹ වලින් හරි අඩක් දුන්නෙමි. ඔහුද මට අඹ ගෙඩියකින් හරි අඩක් ආපිට ලබාදුනි. එම ද්වාරයෙන්ද පිටව ඉතිරි අඹ ටිකත් රැගෙන නැවතත් ගමන් ඇරඹි මම තෙවන එනම් අවසාන ද්වාරය අසලට පැමිණ එහි දොරටුපාලකයාටද අවසානයට මා සතුව පැවති අඹ වලින් හරි අඩක් දුන්නෙමි. ඔහුද මට අඹ ගෙඩියකින් හරි අඩක් ආපිට ලබාදුනි. එයද රැගෙන එම ද්වාරය හරහා උයනෙන් පිටව යද්දී මා සතුවුයේ ප්‍රමාණයෙන් එක් අඹ ගෙඩියක් පමණක්ම නම් මා විසින් උයනෙන් අහුලාගන්නාලද අඹ සංඛ්‍යාව කොපමණද ?
5. කොටු පුරවන ගැටළුව
රූපයේ දැක්වෙන පරදි සෑම දිශාවකටම එකතුව 15 වනසේ කොටු නවය පුරවන්න. භාවිත කළයුත්තේ 1, 2, 3, 4, 5, 6, 7, 8, 9 යන ඉලක්කම් නවය පමණි. එක් ඉලක්කමක් භාවිත කළහැක්කේ එක් වතාවක් පමණි.
ගැටළු පහට පිළිතුරු, විස්තරකිරීම් සමඟින් මීළඟ ලිපියෙන් බලාපොරොත්තුවන්න.
මේ මතක්කිරීම අතපසුවීමක්‌ නිවැරදිකිරීම ගැනයි
මා විසින් ගියවර ඔබ හමුවට ගෙනෙනලද ‘බොන්නට එපා කිසිවිට - තිබහට වතුර වෙනුවට’ යන මැයින් ලියැවුණු ලිපියේ එක්තරා තැනෙක, ‘මෙහි ඉදිරියෙන් දැක්වෙන පිටුවට පිවිසීමෙන් සීනි භාවිතයේ ප්‍රධානතම අහිතකර ප්‍රතිඵල දහයක් ගැන මනා වැටහීමක් ලබාගැනීමට හැකියාව ඔබට ලැබෙනු ඇත.’ යනුවෙන් සඳහන්කර තිබුණි. ඊට ඉදිරියෙන් මවිසින් කලින් ලියනලද ‘ඇතුවත් බැරි නැතුවත් බැරි' යන ලිපියේ තිරසටහනක් එනම් පින්තූරයක්ද දක්වා තිබිණි. නමුත් අතපසුවීමකින් එම පින්තූරයට, අදාල ලිපියේ එනම් ‘ඇතුවත් බැරි නැතුවත් බැරි' යන ලිපියේ සම්බන්ධතාවය ලබාදීම මඟහැරී තිබුණි.
මේ පිළිබඳව දැනුවත්වූ පසු, පින්තූරය ඔස්සේ අදාල පිටුවට පිවිසෙන්නට උත්සාහ කිරීමේදී ඔබ පත්වන්නට ඇති අපහසුතාවය පිළිබඳ සිතා කණගාටුවට පත්වුණෙමි.
නමුත් එම අතපසුවීම දැන් නිවැරදි කර ඇති බැවින් අදාල ලිපිය කියවීමට අවස්ථාවක් නොලද සැමට එම ලිපිය කියවීමට ඉඩ ප්‍රස්ථාව සැලසී ඇතිබැව් සතුටින් දන්වා සිටිමි.
| පිපාසය සංසිඳුවා ගැනීමේ හෝ ආහාර රුචිය වැඩිකර ගැනීමේ අරමුණෙන් බොහොමයක්‌ දෙනා කාබනීකෘත පැන් පානය කිරීමට පෙළඹේ. ඒවායේ ඇති රසවත් බවත් පානය කිරීමෙන් ලැබෙන ප්‍රබෝධමත් බවත් නිසා ඕනෑමකෙනෙක් කාබනීකෘත පැන් පානය කිරීමට දැඩි කැමැත්තක් දැක්වීම අරුමයක් නොවේ. නමුත් කණගාටුවට කාරණය මිනිසා විසින් මෙවැනි කෘතීම පැන්වර්ග පානය කිරීම පුරුද්දක් කරගැනීමයි. මක්නිසාදයත් හුදෙක් කාබනීකෘත පැන් සතුව කිසිදු පෝෂණීය වටිනාකමක් නැති නිසාම පමණක් නොව කාබනීකෘත පාන ශරීරයට අහිතකර වියහැකි බැවිනි. ඒවා නිතිපතා පානය කිරීම භයානක ප්‍රතිඵල ඇති කළහැකි බැවිනි. කාබනීකෘත පාන භාවිතය මිනිසාට අහිතකර වන්නේ කෙසේද, නිතිපතා පානය කිරීමෙන් ඇතිවන භයානක ප්‍රතිඵල කවරේද,එහි ප්‍රධාන අන්තර්ගත හෙවත් අඩංගු ප්‍රධාන සංඝටක ඇසුරෙන්ම එය පැහැදිලි කරගතයුතුය. සුක්‍රෝස් හෙවත් පිරිපහදු කරනලද සීනි (ග්ලූකෝස් - 45% + ෆෘක්ටෝස් - 55%) මෙහි ඉදිරියෙන් දැක්වෙන පිටුවට පිවිසීමෙන් සීනි භාවිතයේ ප්‍රධානතම අහිතකර ප්‍රතිඵල දහයක් ගැන මනා වැටහීමක් ලබාගැනීමට හැකියාව ඔබට ලැබෙනු ඇත.
කාබන්ඩයොක්සයිඩ් (කාබොනික් අම්ලය) කෙසේනමුත් කාබනීකෘත පාන ගැනීමෙන් පසු රුධිරයේ කාබන්ඩයොක්සයිඩ් ප්‍රතිශතය ඉහළ නැංවීම නිසා සෛල වල ආහාර බිඳහෙළිමේ ක්‍රියාවලිය එනම් පරිවෘත්තීය ක්‍රියාව අඩපණ කරයි. ප්‍රමාණවත් තරම් ඔක්සිජන් නොමැතිකමින් ශරීරය විඩාවට පත්වේ. පොස්ෆෝරික් අම්ලය රුධිරයෙහි සංසරණයවන අධි සාන්ද්‍රිත පොස්ෆරස්, අස්ථිවල ඇති කැල්සියම් උරාගැනීමට පෙළඹෙයි. මේ හේතුවෙන් අස්ථි දුර්වලවන අතර කාලයත් සමඟ ඔස්ටියෝපොරෝසිස් රෝගී තත්ත්වය ඇතිවීමේ අවදානමක් තිබේ. තවද දිරාගිය අස්ථිවලින් නික්මුණු කැල්සියම් සංයෝග වකුගඩු හා කුඩා අතුනුබහන් වල තැන්පත්වීමෙන් හා එකතුවීමෙන් වකුගඩු අබාධ ඇතිවේ. විශේෂයෙන්ම වෘක්ක ගල් ඇතිවිය හැක. මියයාමෙන් පසු මිනිස් සිරුරක අනෙකුත් සියළුම කොටස් ඉක්මනින් දිරාගිදයද දත් හා අස්ථි වසර ගණනාවක් නොදිරා පවතිනසුළුය. එහෙත් කාබනීකෘත පාන භාවිතය මිනිසෙකු ජීවත්ව සිටියෙදීම එම පුද්ගලයාගේ දත් සහ අස්ථි දිරාපත්වීමට මඟපාදයි. රුධිරයේ පොස්ෆොරස් මට්ට්ම පාලනය කරන්නේ වකුගඩු මඟිනි. කෙසේදයත් පරිභෝජනය කරනලද වැඩිපුර පොස්ෆොරස් කොටස රුධිරයෙන් ඉවත්කර සුළුදිය සමඟ අපද්‍රව්‍ය ලෙස බැහැර කිරීමෙනි. නමුත් වකුගඩු රෝගීන්ට මෙම හැකියාව තරමක් අඩු බැවින් කාබනීකෘත පාන භාවිතය ඔවුනට කිසිසේත්ම නුසුදුසුය. පොස්ෆෝරික් අම්ලය අමාශයේ අම්ල ඝනත්වය වැඩිකරන හෙයින් අම්ලපිත්තය හෙවත් අමාශයේ දැවිල්ල හටගනී. කැෆේන් කැෆේන් මඟින් ඇඩෙනොසින් ප්‍රතිග්‍රාහක අවහිර කරන බැවින් නිදිමත ඇතිනොවේ. ඇඩෙනොසින් යනු මොළයේ අධි උත්තේජන ඇතිවීම වළක්වන ස්නායුසම්ප්‍රේෂක රසායනික ද්‍රව්‍යයයකි. අවහිරවුණු ප්‍රතිග්‍රාහක ඇඩෙනොසින් වලට ප්‍රතිචාර නොදක්වන නිසා ස්නායු සෛල අධි උත්තේජයනයවීම වැළක්වීමක් සිදුනොවේ. නිදිමත ඇතිවීමට නම් මොළය අධි උත්තේජයනයට ලක්වීම වැළක්වීම සිදුවිය යුතුය. හරිහැටි නින්දක් නොලැබීමෙන් අවිවේකී වන සිරුර පහසුවෙන්ම විඩාවට පත්වේ. කැෆේන් භාවිතයෙන් ඇඩ්රිනලින් හෝමෝනය වහා ක්‍රියාකාරීත්වයට පැමිණෙයි. එවිට හදගැස්ම වේගවත් වන අතර රුධිර නාල අවහිරවී රුධිර පීඩනය ඉහළයාම සිදුවේ. තවද ශරීර ශක්තිය වැඩිකිරීමට අක්මාව මගින් වැඩිවැඩියෙන් රුධිර ධාරාවට සීනි මුදාහැරීම සිදුකරයි. එවිට රුධිරයේ සීනි මට්ට්ම ක්ෂණිකව ඉහළ නැඟීම සිදුවේ. කැෆේන් නිසා අධි මේහනය ඇතිවේ. කාබනීකෘත පැන් වර්ගයක් පානය කිරීමෙන් පසු දැඩි පිපාසයක් දැනෙන්නේ මේ හේතුවෙනි. මේ නිසා කාබනීකෘත පානයක් ගැනීමෙන් පසු ප්‍රමාණවත් තරම් ජලය පානය නොකළහොත් ශරීරය විජලනයට ලක්වේ. එමෙන්ම විජලනය ඇතිවුවහොත් මලබද්ධය වුව ඇතිවිය හැක. කැෆේන් නිසා ඇතැමෙකුට හිසේකැක්කුම ඇතිවේ. තවද ඉරුවාරදය හටගැනීමට හේතුවේ. E211 හෙවත් සෝඩියම් බෙන්සොයේට් බෙන්සීන් කෘතීම රසකාරක හා කැරමල් වර්ණක ටින් ආරක්ෂක පිනවමින් රස නහර |    |
